Молитвы о всяком прошении. Том 1, на церковнославянском - страница 31

Шрифт
Интервал



Молитва об освящении Премудростью


Господи Иисусе Христе, Сыне Божий, освяти помыслы, поступки и дела моя Премудростию Твоею!

Или

Господи Иисусе Христе, Сыне Божий, освяти помыслы, поступки и деламоя Премудростию Твоею, яко немощен, несмыслен, лукав и малодушен есмь!


Молитва об оправдании Божием 9


Господи Иисусе Христе, Сыне Божий, взыщи душу мою ко оправданию моему!


Господи Иисусе Христе, Сыне Божий, обличи и покрый студом всех препятствующих во оправдании моем!


Молитвы ко Причащению Христовых Таин 2


Буди во мне, Господи Иисусе! Не остави мене!


Молитва об исповедании Христовом


Господи Иисусе Христе, Сыне Божий, даруй мне разум ко исповеданию Твоему, да повем оправдания Твоя, яже открыл ми еси в богатстве Премудрости и милости Твоей!


Молитва об избавлении от самооправдания


Господи Иисусе Христе, Сыне Божий, исторгни меня из страшной бездны пагубного самооправдания моего!


Молитва о злословящих 3


Господи Иисусе Христе, Сыне Божий, обрати злословие злословящих нас на главу их!


Иная молитва о Архангеле Гаврииле о Благой Вести


Яко благим вестником Твоим Архангелом Гавриилом Весть Благую избранней от всех дщерей земли Деве Марии о рода человеческого спасении ниспослал еси, Господи Иисусе Христе, Спасе Боже наш, тако того молитвами пошли весть благую сердцу моему во утверждение веры моей и милости Твоея!


Молитва о воле Божией


Господи Иисусе Христе, Спасе и Боже наш, вот, рекл еси пророком Твоим, яко далеко небо от земли, отстоят помышления Моя от помышлений ваших, и яко отстоит восток от запад – отстоят помышления грешного раба Твоего от воли Святыя Твоея. Ты же Сам, Владыко Всемилостиве, научи меня путям Твоим и настави стопы моя на стезях Твоих!


Молитва Божией Матери об оправдании


Яко Божию Премудрость и Силу плотию родила еси, Богородице, моли непреложно Сына Твоего во оправданиях Того пребывати нам.


Молитва Силам Небесным о Премудрости


Яко Престолу Создателяпредстоите и бессмертныя насыщаестеся трапезы, служители Божественныя славы и человеков наставницы, Владыку всех молите непрестанно Того Премудрости (Вечери Тайныя) приобщатися нам.


Молитва о первомученике Стефане о противниках Истины


Господи Иисусе Христе, Сыне Божий, Спасе и Боже наш, яко Апостолом и пророком Твоим первомучеником архидиаконом Стефаном несмысленные косные сердца соплеменник своих с необрезанным сердцем и ушами обличил еси, тако обличи лукавых супротивник моих, затыкающих, яко аспид глухий, уши своя против Истины Твоей!