Из пламени росу преподобным источил еси и праведного жертву водою попали еси и избранных своих яко по суху по дну моря провел еси, в немже сильных потопил еси: даруеши бо оправдания Своя вся, кому волиши, сподоби мя сих приобщитися.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Како не имам печалитися, како не плакатися, видяща ся отстраненных от оправданий Твоих суетного ради лукавства века сего? Ты же мя тех, яже вожделею, сподоби.
(Дважды).
Слава: Верую, яко приидеши судити живым и мертвым, даруй избранным оправдания Твоя, яже отметашася тех в веке сем, прелюбодейном и грешном, отметаяся, сподоби же мя тех приобщитися, яже едино есть на потребу.
И ныне: Пречистая Богородице, прими недостойную молитву мою и даруй ми покаяния ради Сына твоего оправданий.
Бога человеком невозможно видети, на Негоже не смеют чины Ангельския взирати, Тобою же, Всечистая, явися человеком Слово Воплощено, Егоже величающее, сподоби нас, недостойных оправданий Его.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Ныне к вам прибегаю, Ангелы, Архангелы, и вся небесныя силы, у Престола Божия стоящия и Лице Того зрящия, молите нам сподобитися оправданий Его.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Ныне плачуся к вам, святи патриарси, цари и пророцы, во оправданиях Господних беспорочно ходившия и нам те завещавшия, молите нас техже сподобитися молитв ваших ради.
Слава: Ныне к вам усердно зову, святии мученицы, пустынницы, девственницы, праведницы и вся святии, кровьми и трудами своими оправдания Творца приобретши, сподобите нас тех приобщитися молитвами вашими.
И ныне: Мати Божия, помози ми, отметающемуся всегда оправданий Сына Твоего и сего ради во ад осужденного, моли Того даровати ми оправдания Своя, да поставит мя, недостойного, одесную Себе, егда сядет судити живых и мертвых, аминь!
Составитель сего текста также крайне нуждается в благоустроении помыслов, ума, души и сердца и жития своего и молитвах о себе и близких:
Игоря
Валентины (ж)
Елены
Ольги
И всех нами поминаемых