1. Молитва об исцелении болящего:
Владыко, Вседержителю, святый Царю, наказуяй и не умервщвляяй, утверждаяй ниспадающия и возводяй низверженныя, телесныя человеков скорби исправляяй, молимся Тебе. Боже наш, раба Твоего (имярек) немоществующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе ниспосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имярек), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.
2. Молитва пред иконою Пресвятыя Богородицы, именуемою «Целительница»:
Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе ныне приносимыя от нас недостойных раб Твоих, ко Твоему цельбоносному Образу пение возсылающих со умилением, яко Тебе Самой зде сущей и внемлющей молению нашему.
По коемуждо бо прошению исполнение твориши, скорби облегчавши, немощным здравие даруеши, разслабленныя и недужныя исцелявши, от бесных бесы прогонявши, обидимыя от обид избавлявши, прокаженные очищавши и малые дети милуеши: еще же, Госпоже Владычице Богородице, и от уз и темниц свобождаеши и всякия многоразличныя страсти врачуеши: вся бо суть возможно ходатайством Твоим к Сыну Твоему, Христу Богу нашему.
О Всепетая Мати, Пресвятая Богородице! Не престай молитися о нас недостойных рабех Твоих, славящих Тя и почитающих Тя, и поклоняющихся со умилением Пречистому Образу Твоему, и надежду имущих невозвратну и веру несумненну к Тебе, Присно деве Преславной и Непорочней, ныне и присно, и во веки веков. Аминь.
Также можно молиться за детей и перед иконами Божией Матери «Нечаянная радость» и «Скоропослушница». Владычица Матерь Божия Сама возвестила о том, что Она будет являть милость и исполнение прошений притекающим к Ее образу «Скоропослушница».
3. Великий угодник Божий Святитель Николай Чудотворец был прославлен Богом даром чудотворений, в том числе и исцелений, например от болезни глаз.
Приведем здесь тропарь и кондак этому святому (память 6/19 декабря и 9/22 мая).