Өлүү-тиллии икки ардынан - страница 28

– Миигин кытта дуогабарда түһэрсиҥ. Мин эһигини талбыт эккитинэн хааччыйыам.

– Бэйэбит да ытабыт ээ.

– Эһиги бу Киһилээх эргин бултуохтааххыт. Кадровай булчуттар ыырдарын тугунан да тэбистэриэ суохтааххыт. Түүлээх – государство баайа, айманыа суохтаах.

– Биһиги эрэ тэпсибэппит. Манна күһүн киһи бөҕө тиэстээччи. Дьокуускайтан тиийэ кэлээччилэр. Хата кинилэр ордук кырсаҕын эһэр инилэр.

– Ону баҕас бопсуллуоҕа.

– Оройуон, республика дуоһунастаахтарын барыларын хайдах бопсор үһүгүн?