Муллыклар сыйпап сузылган
Юл буенда болыннар;
Хәзинәңне сакла, халкым!
Табигать нурын якла!
Бу вәгазем – шагыйрь хакым:
Аның кадерен аңла!
Раббым ихтыяры белән
Илемә яусын савап;
Шигырь догасы бирелгән
Сезгә бәрәкәт сорап.
IV
Борыңгы Болгар җирендә
Динебезнең эзләре…
Урнашкан елга ярында
Манаралар йөзләре;
Куып бара шофер юлдан,
Артта Йолдыз утырган.
Максатына ирешергә
Өч чакрым гына калган.
Машинаның тәрәзеннән
Сокланып карап бара:
Җәлеп итә күренешләр,
Ошый аңа саф һава;
Зират табып озакламый
Башка яулык бәйләгән:
Тамыры үскән җирләргә
Баскан аягы белән.
Бабалар каберен табып,
Үскән чүптән чистарта.
Берәр сәгать эшләп алып,
Мәчеткә юлын тота.
Җомга намазы беткәнли
Имамга хәлен сөйли:
Сәдака биреп калдыра